Fatumata Juulde Bari ko Hoodere wonunde e ƴellitagol he nder show-biz walla mbiyen naalankaagal Fulɓe Guinee.
Fatumata Juulde Bari, nootortooɗo innde mum naalanke”Queeneeff” ko debbo Pullo Ginenaajo jimoowo he ɗemngal Pulaar. Haysinno o suwaa meeɗde yaltinde album tawo, o fuɗɗiima lollude sanne he nder mejaaji-renndo ko wayno Youtube, ɗo o yaltini wideyooji. Fatumata Juulde ko jimoowo gannduɗo ko waɗata, nde tawnoo o faami law wonnde yiɗde, ko huunde kono fannaade ko goɗɗum. He nder yewtere makko he RFI/FF, Queeneeff hollirii naatni ɗum he yimde ko yiɗde kono nde o felliti waɗtude ɗum meccal, o yah o janngoyi ɗum hakke duuɓi ɗiɗi ngam haa o waawa fiyde gaaci e hoɗde gitaar, hannde ko o naalanke panniiɗo.
Ene jeyaa he jimɗi (gimi) makko, kaalooji ko fayti he jojjanɗe rewɓe walla giɗgol, ko wayno wideyoo makko cakkitiiɗo “Jommban” mo o yaltini ko ene wona jooni lewbi ɗiɗi he youtube. O hollitii kadi o mona liggoo he eɓɓooji keewɗi ngam waawde yaltinde album makko. Aalaaji gaaci ɗi o fiyata ko Afropop.
Queeneeff ko naalanke jarɗo wattude hakkille, sabu omo jogii ko addanta naalanke lollude e yiɗeede. Yoo ɗum yahru yeeso.
