Maam Booy Jaawo, meer mo Kolda, ittaama he gollal mum gardiiɗo Caisse des dépôts et consignations, mo o ardinoo gila he lewru Colte 2023. Ɗuum waɗi ko caggal nde o habri wonnde ko kanndidaa he suɓngooji 2024. Ngool diiwgol ari ko he mbaydi dekkere (2023-1916 12 Silto 2023, mo mawɗo leydi o siifi.
Hanki, Mawbaare (Talaata) 12 Silto Elhajji Mammadu Jaawo, ɓurɗo lollirde Maam Booy Jaawo, hollirii fayndaare mum ƴamde lefol ngardiigu Senegaal, he nder kawrital (meeting) mawngal ngal o yuɓɓini he tawtoreede yimɓe heewɓe, gila e yiɗɓe, yahdiiɓe e banndiraaɓe tawtoraama ngaal kawrital wonndude he welnere mawnde, bawɗi e buubaaji “assiko”.
He nder ngaal kawrital nde meer mo Koldaa o ƴetti konngol o joofiima huunde seeɗe e kuccanɗe makko walla yiyannde makko he Senegaal. “ Ngonɗen ko he leydi wonndi he kiris, alaa e sago njaɓen ɗuum, ene haani mbelditinen Senegaal.
Ngam yahde he ɗiin suɓngooji, towata Maam Booy Jaawo ko yuɓɓo ngo o inniri Kawtal ngam Senegaal Keso (Coalition pour un Sénégal nouveau). O rokkii yiɗɓe makko aadi ñalnde 30 Silto (Septembre) ko ñalnde mum o ngemmbetee, kono kadi o wiy ma o yaltin ñalnde heen deftere nde ene sifoo yiyannde makko Senegaal.
