Senegaal naatirii koyngal ñaamal he fuɗɗoode mum he kuppu Afrik mo ngenndiiji. Barooɗe Teddungal, hono no ɓe noddirta kippu maɓɓe ngenndiijo, fiyii Gammbi loggi (mbattuuji) tati, tawi Gammbi kanum naatnaani hay loggol gootol. Pape Gey naatni heen loggol gootol, Lamin Kamara kanum sokki ɗiɗi.
Lamin Kamara hollirii mbaawka tigi, o suka gonnooɗo pettoowo ɓurɗo teskinde he kuppu Afrik mo sukaaɓe ɓe timminaani duuɓi noogaas, teeŋtinii wonnde ko mum koo ko dokke Allah, wonaa tan tabi saha. O gonnooɗo almuudo to Generation Foot, pettoowo hannde to FC Metz, ene jeyaa e fettooɓe Senegaalnaaɓe ɓurɓe yaakoreede.
Aliwun Siisee, kebloowo kippu Senegaal o wiy, Kamara ko cukayel tawo, yo woppe o mawna, “Kono jooni sabu won ɓe keɓaaki, e min mbaawi yowitaade he makko. O hollirii mbaawka e dokke makko, hoto ngulnee ɓanndu makoo no feewi, maa o fettu ɗoo haa duuɓi noogas payɗi arde.”
