Nuwaksoot, reenooɓe dummbirde wonnooɓe he golle mum he damal dummbirde mawnde Nuwaksoot, ɗo waɗbonyankooɓe salafiyankooɓe cokanoo, mbaraama hanki jamma 5 Mbooy 2023. Wiyaama ɓe keɓti ko fetel gooto e gardeeɓe ɓee “pistolet PA” ɓe mbari ɗum kadi ɓe njaaɓani gardoowo goɗɗo oo, oon ne ɓe pelli ɗum ɓe mbari ɗum. Piyanɗe keewɗe nanaama toon he ngaan tuma, kadi wiyaama won gardooɓe ɗiɗo woɗɓe ngaañii heen. Caggal ɗuum kamɓe dummbanooɓe ɓee ɓe dogi.
Kamɓe ɓeen waɗboniyankooɓe, Salek Wuldu Seek, e Muhammadu Wuldu Chbih, fof ko ñaawanooɓe warngo. Wuldu Seek oo ko takkanooɗo etaade warde hooreejo leydi Muritani ɓooyma, Muhammad Wuldu Abdul Asiis, tuman de wonno e laamu ndee. Kanko Saleck Wuldu Seek, o tabitiniino he dow hoore makko, he Colte 2011, wonnde omo jeyanoo e etinooɓe warde mawɗo leydi ndii he oon saha, Ko o tergal he fedde Al-Qaida to Mahgreb Ismalique (Aqmi).
