Educo e Unicef ene ndentina doole e tiiɗnaare mum en ngam ɓeydaade tiiɗtinde jeyeede sukaaɓe he rewindo huuɓtodinngo he ko yowitii e jojjannde sukaaɓe he nder dente falndeeji jeegom ɗi Koldaa e Madiina Yero Fula.
Ɗuum wonata ko rewrude he eɓɓo: Tiiɗtinde e waɗtorde jojjannde sukaaɓe he nder dawrugol, kadi he darnde sukaaɓe ngam ƴellitaare renndo mum en. “Tawnugol Pelle Sukaaɓe” ko eɓɓaande faayodinnde nde mbaylaaji njooɗii ngam ciñcugol (cosgol) ɗum ñalnde 18 Seeɗto he nder kapital Fuladu.
He nder pewje maɓɓe ngam ƴellitde jojjanɗe sukaaɓe, ngooɗoo eɓɓo maa tuugno he tawnugol sukaaɓe ɓee he ƴettugol pewje ngam mbele haajuuji maɓɓe e ngoƴaaji maɓɓe mbaawa teskeede. Ngam tabitinde ɗuum maa ko wiyetee kosey minisippaaluuji (conseils municipaux) tawo ko sukaaɓe darne he nder falndeeji jeegom cuɓaaɗi ɗii kala. Hono no Joseph Nzallé, ɗowoowo golle Educo he nder diiwal ngal wiy ni.
Gardiiɗo biro Unicef he diiwaan o, teeŋtinii wonnde, maa sukaaɓe ɓee keble he ko fayti he njiilgu geɗe dente falnde (collectivités territoriales) ɓe tutee he ngardiigu-leadership. He yiyannde Yves Olvier Kassoka, ɗuum maa walluɓe he waawde daranaade jojjanɗe maɓɓe he nder diiwal Kolda, nokku ɗo nganndu ɗaa sukaaɓe ene naata dewgal law, bonnugol jaŋde sukaaɓe, teeŋti e rewɓe, sukaaɓe ene njibinee tawa ndaartanaaka kaayitaaji, ekn., ko caɗeele duumiiɗe.
