Senegaal woni ko he gollaade mbele golle duɗal mbewu mum ngal fuɗɗoo. Jaagorɗo toppitiiɗo janŋde toownde o jaɓɓiima sate ummiiɗo to duɗal mbewu ngal jaaɓihaaɗtirde Monpellier, Farayse wonɓe he njillu gollal he nder Senegaal ngu ene duumo fotde yontere. Sate o, he gardagol Porofessoor Laurent Desseau, hooreejo duɗal ngal, yilloyiima cité du savoir (Sincaan Ganndal) to duɗal mbewu Senegaal ngal ngal jogiri waɗoyeede to he gardagol Porofessoor Gayan Fay.
Ngaal duɗal ngal gollal mum wonata ko sunnaade e faggitaade ngartameeji (wiɗtooji) ene jeyaa ko ɓuri wonde hammu mum wiɗto e heblude sukaaɓe Senegaalnaaɓe. Ma ngal gollido e EPT mo Cees, IPSL, UGB e ESP mo Ndakaaru, kadi yuɓɓooji goɗɗi renndo e fagguduyankooji.
He oo sahaa ɗo njahraten, asiñoor njeetato e haralleeɓe 5 Senegaalnaaɓe keblaama he ballal duɗal jaaɓihaaɗtirde ngal Montpellier, ko ɓeen ngoni jogorɓe halfineede lottugol satilit Senegaal gadano e rewindo golle mum.
Eɗen ciftora Seyku Umar Aan, jaagorɗo toppittiɗo jaŋde toownde o, yahiino njillu to Montpellier ngam rewindaade golle tafngo satilit Senegaal o to yahrata.
