Ñalnde 10 lewru Jolal fayndu maa Senegaal waɗ taaɓal mawngal to bannge karalleeje mbewu. Ko ndeen ñalnde ndi jogori lottude satilit mayri gadano he nder mbewu caggal duuɓi tati ɗi haralleeɓe maɓɓe ngollii ngam mahde ngaal baagal walla satelit.
Ko he ballal Duɗal Mbewu ngal Monpellier, ngaal baagal maha kadi ko toon ngal jogori lottireede hhe tawtoreede jaagorɗo kalfinaaɗo jaŋde toownde, wiɗto e puɗɗe, Porofesoor Muusa Balde.
“Ngoo ɗoo eɓɓo fayndaare mum ko feewnude e huwtoraade kaɓirɗe mbewu ngam humtude haajuuji leydi men, he ko yowtii he coñateeri e golle mbewu, so ɗuum waɗii maa karallaagal mbewu wontu fannu ƴellitirɗo renndo e faggudu tawa ko he nanondiral duumingal he Senegaal.” Jaagorgal ngal holliri.
Ngam feewnude oon satelit, laamu Senegaal neldiino to Monpellier (Monpeliyee) asiñoorɓe 8 e haralleeɓe 5, ngam tafde satelit oon Satelit Senegaal garwaniijo he ballal Duɗal Monpellier.
