Caggal ñaawooje ɗiɗi janɗe he dow mawɗo lannda Pastef o ɗee, ñalnde Mawnde (Aljumaa) 17 Jolal, Usmaan Sonko fellitii sakkude feere walla yaltinde nde ɓe mooftunoo, ɗuum woni yoo Basiiru Jomay Fay won kanndidaa lannda Pastef, Rokkiri kabaaru oo ko Sadikh Top hanki Dewo-hoore-biir 19 Jolal he nder ayaawo Jotna TV. Pastefnaaɓe woɗɓe dikkinooɓe ƴamde lefol ɓee, woni Biram Suley Joop e Guy Marius Saañaa, caggal diisnondiral e Usmaan Sonko maɓe paaren Basiiru Jomay Fay. O hollirii kanko Sadikh Top wonnde ma parenaas (parrainage) o fuɗɗo hannde Aaɓnde, kadi maa Biraam Suley Joop e Guy Marius Saañaa, njaltu mbaɗa haalannde mum tawa ko he kuccondiral e jaayndiyankooɓe.
Eɗen ciftina tan Basiiru Jomay Fay, hono no Usmaan Sonko ni, kanum ne woni ko he juuɗe laamu, nana moofta he dummbirdu.
