Rev. Jesse Jackson, kaɓantonooɗo jojjanɗe aadee, maayi tawi ene yahra he duuɓi 84
Rev. Jesse Jackson, ko jaagorɗo Baptist kadi kanndidaajo hooreejo lesdi laabi ɗiɗi, mo sabu fasiyantaagal mum e noddaali mum fayde hurmaade jojjannde aade, ɓeydiino semmbinde hare ɓaleeɓe e yooltude hujjaaji mum en. maayii tawi omo yahra duuɓi 84.
Rev. Jesse Jackson ko ɓamtunooɗo araaraay ndimaagu e haɓanaade hujjaaji e hakkeeji ñoolaaɓe kam e jojjanɗe ɓaleeɓe he nder Amerik. Cggal nde Rev. Martin Luther King Jr. maayi, ko kanko tammbitii hare ndimaagu e potal ɓaleeɓe Afriknaaɓe-Ameriknaaɓe e kala yimɓe yejjitaaɓe walla mbiyen faalkisaaɓe he nder renndo Amerik.
“Baaba amen wonnoo ko ardotooɗo golloowo — wonaa tan e galle amen, kono kadi e tooñaaɓe, ɓe ngalaa daande, e faalkisaaɓe he nder winndere nde,” ɓesngu Jackson wiyi e nder bayyinaango.
Rev. Al Sharpton, gooto e ardiiɓe pelle hakkeeji siwil, wiyi e nder bayyinaango mum wonde « Ngenndi men waasi gooto e ɓe sawtowooji mum en ɓurnoo toowde he semmbinde neɗɗaagal » , ndi teddini neɗɗo « doondiriiɗo daartol teppe mum, wuurniri yaakaare he daande (sawtowol) mum ».
“Reverend Jackson ina darii kala ɗo ndimaagu woni e ñoƴƴeede, gila he apartaayd caggal leydi haa e tooñanngeeji e nder leydi . Daande makko ina waɗatnoo oolel gila he nder cuuɗi laamu haa e nder cuuɗi kasooji”, Sharpton wiyi.
Sabaabu maayde makko hollitaaka ɗoon e ɗoon. Ɓesngu Jackson wiyi o maayi ko e jam tawi ko yiɗɓe makko ina taarii mo.
O naati opitaal he lewru noowammbar , o wuurdii ko ina ɓura duuɓi sappo e rafi mboros biyeteeɗo PSP, e wiyde fedde makko wiyeteende Rainbow PUSH Coalition. Ñawu PSP ina waawi ronkitinde jooma mum yahde walla waawde moɗde, ina waawi kadi addande ɗum caɗeele bonɗe.
Jackson hollitii wonde omo wondi e rafi biyeteeɗo Parkinson’s e hitaande 2017. O safraama e nder safrirde Northwestern Medicine to Chicago ko famɗi fof duuɓi ɗiɗi hade makko feññinde rafi makko oo e tintinde ɗum jamaanu.
Jackson jibinaa ko to Greenville, to Caroline du Sud, o ƴellitii ko he jamaanu hakkeeji siwil, o tawtoraama seppooji wonndude e Rev. Martin Luther King. Darnde e golle makko taƴondiraani ko ene yaha he duuɓi capanɗe limtinɗe, ina heen ƴamdemo laabi ɗiɗi ngam suɓaade hooreejo leydi e nder parti Demokaraat en, e hitaande 1984 e hitaande 1988.
