Konu Moritani yettiima daawal maantinngal e daartol mum, nde Habibatou Thiam yettii darnde kolonel, ko kanko woni debbo gadano yettaade ndee darnde he nder konu ngenndiiwu leydi ndi. Bayyini ngaal pellital ko hooreejo kuuɓal konuuji Muritani, ngaal pellital ina teeŋtina darnde tiiɗnde ooɗoo karallo to bannge ganndal rewɓe (spécialiste en gynécologie) e ƴellitgol sarwisaaji cellal konu.
He mbaydi makko wonde Kolonel ñawndoowo, Habibatou Thiam waɗii hiilnaare golle mum, ko ngam moƴƴinde ngonka e toppitagol soldateeɓe e ɓesnguuji mum en, o tabitini hoore makko no feewi he jaalaade nder fannu mo worɓe ɓuri heewde e heeroraade.
Gaagaa dewrew makko keewɗe he golle makko heen maantinɗe, ndeeɗoo ƴellitaare ina hollita ɓeydagol darnde konu Moritani yiɗde hollirde ene udditanii potal e heɓtinde karallaagal e mbaawka rewɓe he nder sappeeji mum. Ngal ɗoo geɗal maantin ngal ene joortaa maa waaw udditande rewɓe Muritaninaaɓe ndaarannde hesere, wonaa tan to bannge konu, kono kadi hay e fannuuji goɗɗi dowrowi, ɗi aada yahruno wonnde ko worɓe tan keerorii ɗum en.
Kolonel Habiibatu Caam noon wonti simmbol teskinɗo he maande ndimaagu, ceedtotooɗo wonde paddal ko ngal waawi wonde kala he ngal waawi ɓenneede so tawii oon tigi ene yooɓii mbaawka e pellital.
