Israayiil wiyii waɗii njanguuji keewɗi he leydi Iraan hannde Mawnde (Aljumaa) sappo e tati lewru Korse, ɓe mbiyi ɓe mbaɗii njanguuji he nokkuuji nukliyeer, e usineeji misilaaji balistik, ɗuum e hooreeɓe konu Iraan. Ɗum ko fuɗɗoode golle jokkuɗe ngam haɗde Teheran mahde kaɓirɗe atomik.
Iraan werliima fotde 100 drone feewde e leydi Isra’iil ngam yoɓtaade, Israayiil nana golloo ngam faddaade ɗiin doronaaji e haɗde ɗum en yande he leydi, ko ɗum woni ko jaagorgal konu Israayiil hono no Brigadier General Effie Defrin holliti.
Jaayɗe Iraan e yimɓe seedtiiɓe kollitii yande bommbooji he nokkuuji keewɗi ene jeya heen nokku ɓurɗo mawnude ɗo iroñom (uranium) feewnetee he nder leydi ndi, woni Natanz. Israayiil kanum ne yamirii deeɗtere he nder leydi mum fof ngam jooɗtoraade ɓe njoftiigu ngu leelataa ummoraade Iraan, tawi koye mbaydi misilaaji e doronaaji.
Mojobere konukooɓe suɓaaɓe leydi Iran, anndiraaɓe gardeeɓe rewolison hollitii gardiiɗo mum en, hono Hoseyni Salami waraama, jaayndeeji leydi ndi kollitii wonde ñiiɓirde mojoɓere nde to Teheran yanaama, Sukaaɓe heewɓe mbaraama he bommbugol he nder leeɗe koɗaaɗe he nder laamorgo ngo, Teheran.
“Eɗen ngondi e sahaa tiiɗɗo e nder daartol Israayiil”, ko noon gardiiɗo jaagorɗe leydi Israayiil, hono Benjamin Netanyahu, wiyri e nder ɓataake mum wideyoo. “Ko ɓooyaani ko Israyiil waɗii njanguuji he nder Iran inniraaɗi Operaasiyon mbaroodi ƴeestotoondi, njanguuji konunkeeji ngam hajaade cappaali Iran momtude goodaangal Israayiil”.
Defrin wiyi 200 diwooje konu (jetuuji) Israayiil njehiino he njangu ngu, kadi ɗe piyii ko ɓuri teemedere e toɓɓanɗe he nder Iran.
Ayatollah Ali Khemeney hooreejo dowrowo leydi Islamiyankoori Iraan, sappiima wonnde ma Israayiil yiy lepte cattuɗe.
