Muhammadu Buhaari, hooreejo kiiɗɗo leydi Nijeriya, maa ubbe hannde to wuro mum en Dawra he nder dawla Katsina to rewo Nigeria, e wiyde guwerneer dawla. Buhari maayi ko hecci hanki Dewo-Hoorebiir to Safrorde (kilinik) wootere to London.
Muhammadu Buhaari laaminooma leydi Nijeriyaa rewrude kupdeta he hitaade 1983 haa 1985, caggal ɗuum o arti he laamu rewrude he suɓngo he 2015 haa 2023.
Cukko Hooreejo leydi Nijeriya Kashim Shettima wonndude e hilifaaɓe laamu ngu heewɓe njahiino to London ñalnde Aaɓnde (Altine) ngam toppitoyaade no gooski hooreejo leydi kiiɗɗo o artiriraa, so en tuugniima he Reuters.
Hooreejo (guwerneer ) dowla Katsina Dikko Umaru Radda, hollitii wonnde nanondirii e ɓesngu Buhari maa gooski kii artire hannde ummoraade London o ubbe ɗoon ɗo Katsina ɗo o jeyaa ɗo.
Ene jeyaa he yimɓe holluɓe sunaare mum en he maayde makko, Hooreejo jaagorɗe leydi Indo, Narendra Modi, binnduɗo he nder х (twitter) “ Ñeeñal makko, teddugol makko e pellital tiiɗngal ngal o joginoo ngam semmbinde cehilaagal hakkunde Nijeriya e Indo ene teskini.”
Buhaari ene anndiranoo wonde laamɗo jiɗnooɗo nuunɗal kaɓotonooɗo borjeende.
He laamu makko o ƴettiino peeje keewɗe ngam wallude he no caɗeele hakkunde Fulɓe aynaaɓe e remooɓe cafriraa.
Eɗen ciftina kadi Muhammadu Buhaari ene tawanoo batu tafeede Tabital Pulaaku Winndere to Mali.
