New York (AP): Donald Trump wiy he nder winndande mum he media-renndo, wonnde ene tijjii nanngeede ñalnde Mawbaare (Talaata). Ndee feeñinannde ari ko caggal nde loskoowo (porsecuteur) mo New York woni he meeraade fawde junngo mum he laamɗo kiiɗɗo o, sabu joɓgol makko kaalis gonndungol e pilaa-mbeñaa, ngol o yoɓi dewbo gooto takkuɗo mo wonnde ɓe meeɗiino wonndude.
Hooreejo leydi kiiɗɗo o haalani hay daliilu gooto mo ene tinndina wonnde ko kabaaru ummoriiɗo-mo he loskinyankooɓe ɓee wonnde omo jogori jaggeede, kadi o haalaani hol no o anndiri ɗuum ene jogori waɗde.
He winndannde makko jippinaande subaka Hoore-biir, he media-renndo makko (Truth) Trump winndi ‘ciygol ngol laawɗaani” ummoraade biro loskiyanke falnde Manhattan, “Kandidaa landa Republik en, gardiiɗo ɗo woɗɗi, kadi hooreejeo kiiɗɗo DOWLAAJI DENTUƊI AMERIK ene jogori nanngeede ñalnde Mawbaare yontere faynde nde”.
Danielle Filson, gollowo to loskirde Manhattan, wiy “loskiyanke o tabitintaa kadi yeddataa haala mbooynaaka” caggal nde oon laaɓndaa ko fayti he winndannde Trump nde.
Caggal loskooji ɗiiɗoo duuɓi fof he geɗe makko, ko yowitii he jaagogol (business), dawrugol e jokkondire makko keeriiɗe, so Trump nanngaama, maa ɗuum won huunde fatamlamiire, nde tawno maa o won hooreejo Dowlaaji Dentuɗo gadiiɗo jaggeede.
Trump eeriima terɗe lannda Republik en e yiɗɓe makko nde njaltata, kaɓtoo ɓe keɓta leydi maɓɓe sabu nanoyankooɓe en (democrat) ɓee ngoni ko he bonnude leydi maɓɓe e jaastinde ɗum; waylude nguurndameeje maɓɓe e finaa tawaaji e aadaaji maɓɓe.
Semmbe ndeenka e deeƴre mo New York nana e kebungal oo dumunna fof, ngam feewnitanaade ɗuum so woodi waɗde.
