Bayern mo Munich ene jokki fawde kuugal mum he dow fugiyanke Senegaalnaajo o, Saajo Maane sabu piyondiral makko he Leroy Saane. Ɓe pawiimo amaande teemedde joy ujunere caggal nde ɓe njowi mo, ɓe mbiy o fettataa ko famɗi fof haysinno ko kawrital gootal. Saajo maa jooɗɗine o haayta fettude he kawndiral maɓɓe Bundeslig hakkund Bayern e Hoffenheim ñalnde Hooreebiir faande ɗoo nde.
Caggal pottital hakkunde Bayern e Manchester City, duko waɗii hakkunde fettidooɓe ɗiɗo ɓee, Maane e Saane gila to boowal to, kono ko nde ɓe naatoyi to ɓoororɗi maɓɓe Maane samtii Saane hello haa toondu mum woni e siiwaade ƴiiƴam, yimɓe keedi hakkunde maɓɓe.
Ñalnde Naasaande Bayern yaltiinii ɗerewol tintinoore ngol ene janngee he mum: “Saajo Maane 31, jeyetaake he fettooɓe Bayern he kawndiral mum e Hoffenheim Hoorebiir garoowo, Saabii ɗuum ko Maane ko diwɗo laawol caggal pottital Champions League hakkunde Bayern e Manchester City.”
Fugiyanke Senegaalnaajo o wonaa neɗɗo ganndiraaɗo bonde nehdi he nder dingiral, kon ene teskaa e makko haaɓre o ɗoo sahaa, sabu makko wayde no ɗeɓɗo waaltaade ni.
