Leydi Iraan hollitii Ali Khamenei gardiiɗo leydi ndi o, maayi caggal njanguuj Amrik e leydi Isra’iil he dow leydi Iraan.
Teleeji laamu leydi Iran kollitii wonde Khamenei waraama he jangu Isra’iil e Amerik, ɓe kolliti kadi ɓe ngoni ko he balɗe 40 sunaare.
Jaayɗe laamu leydi Iran kollitii wonde hooreejo leydi ndi hono Ayatollah Ali Khamenei waraama to biro mum e nder hareeji ɗi Isra’iil e Amerik mbaɗi e leydi Iran, caggal nde laamuuji Israa,iil e Amerik kabriɗum ko adii.
Tabitingol ngol ñalnde alet ari ko caggal nde jaayɗe Iraan biyeteeɗe Tasnim e Mehr puɗɗii haalde wonde Khamenei ina heddii « e tiiɗde e tiiɗnaare kadi ene jokki ɗowde golle ɗee he nder dingiral-wolde-he ».
Hooreejo leydi Amerik hono Donald Trump winndii e lowre mum Truth Social ko adii ñalawma oo, wonde Khamenei, mo duuɓi 86, waraama he jannguuji Amerik e Israayiil, puɗɗiiɗi gila law he ñalnde aset .
« Kanko e maayɓe wonndude e makko ɓee, alaa fof ko ɓe mbaawno waɗde haɓe ndaɗa he rewindooji amen toowɗi karalleeji wonndude e ballondiral Iraa,iil” Trumpi winndi.
O wiyi “ɗum ko fartaŋŋe gooto ɓurɗo mawnude ngam ɓesngu Iraan heɓta Leydi mum en”. “Eɗen ɗaminii, IRGC [ Islamic Revolutionary Guard Corps] e Polis maa njantondir e ngenndiyankooɓe Iraanaaɓe he dow nanondiral jamyamal.”
Haysinno tawii laamiiɓe Iraan ɓe ina ɓooyi hebanaade wonnde Khamenei ene wareede so tawii hare waɗii hakkunde mum en e Amerik e Israayiil ne, warngo makko hay gooto annda ko jogori jibinde he tuma mo hare nde ina jibini kulhuli kesi wonnde e nde waawi saraade e ɓeydaade yaajde.
Khamenei woni hooreejo diineyankeejo leydi Iraan gila 1989, o lomtii sosɗo laamu diiniyankeewu leydi Iraan caggal Shah, hono Ayatollah Ruhollaah Khomeini, gardinooɗo filñitaare Iraan e hitaande 1979.
