Caggal nde Makki feeñini pellital waasde ƴamtude lefol ngardiigu Senegaal he suɓngooji payɗi, heewɓe kollirii heen weltaare mum en, teeŋti e yiɗannooɓe jam e teddungal. Ene jeyaa e ɓeen Ceerno Madaani Taal, sehil makko, keedannooɗo-mo gila nde o fuɗɗotoo ƴamde lefol laamu he 2012. Gila ndeen kadi kanko ceerno o, o seeraani e wonde mo hooreejo leydi ndii diisnotoo he kala fyakuuji toɗɗiiɗi leydi ndii, gila to bannge renndo, diine, dawrugol e faggudu leydi ndi.
Ceerno o hollirii weltaare mum nde o nani wonnde musiɗɗo makko, sehil makko, hooreejo leydi o, Makki sal ɓamii pellital wonnde jeyetaake e suɓngooji paydi arde he Colte 2024, teeŋti noon kadi e hurmaademo konngol makko, ɗuum woni wiynoode gila omo ƴama laamu he 2019, wonnde ngool wonata laawol cakkitiingol ngol o fooɗantoo jappeere hooraagu leydi Senegaal. “Ko nii tan waawata waɗɗe,” ceerno o wiy, “sabu o waawaano jaasde ardiiɓe mo ɓe, Ngal ɗoo pellital wonaatan ko ngal jogorngal heddaade he daartol, kono kadi huundi mantateende.”
Kanko khalifa o wiy: “Makki jeyaa leydi ndi, jeyndi tan ko kala jiɗɗo gollaade ngam haa ndi waawa wonde he jam e deeƴre, nanondiral e ngootaagu, e ƴellitaare faggudu leydi men. Heddii noon, ko neɗɗo wonanamo walla waasa wonande mo, kono hay gooto waawa yeddude kam wonnde o gollima, kadi waɗanii Senegaal ko yiyotoo, ko memotoo. So o yahii turataa geenol, hoore makko dow, sabu o timminii fotde makko.”
