Caggal nde Ceerno Alasan Sal, mawɗo Republique des valeurs, wullitii to suudu dooɗe, wonnde Karim Wadda, ene jogii kaayitaaji ngenndiiji ɗiɗi, Senegaal e Farayse, kadi ɗuum ene foti haɗde ɗum waawde jeyeede he suɓngooji payɗi arde he Colte 2024, Karim ne yaltii ngam yeddude ɗuum.
He biyɗe ɓiy Abdullay Wadda o, kadi kanndidaa lannda demokarat en he suɓngooji 2024 “ Magget Sih, koolaaɗo Mooɓal K24, fawoyii to suudu doosɗe, ɗereeje baawɗi seedtaade wonnde mi waasii jayannde am Farayse tawi kadi ko miin suɓii yaafaade.” Hayso tawii ala ɗerewol lawakeewol iwrungol he laamu Farayse tabitinoowol kaan haala, ngol o holliri.
“Dukooji meereeji he ko yowitii e wonde mi Faraysenaajo walla jogaade kaayitol ngenndi Farayse, ndeen toɓɓere hankadi bilaama.” Kanko Karim o eeriima yiɗɓe e yahdiiɓe makko, nde mbaasata woppude yimɓe ene keedta ɗum en he hakkillaaji mum en. Yoɓe mbaɗtu hakkillaaji maɓɓe he ko wonni ngoƴaaji Senegaalnaɓe ko e njoorto mo Senegaalnaaɓe e sukaaɓe leydi ndii njogii o.
Kanndidaa lannda PDS o suƴii Ceerno Alasan, mo wiy jaaraama nde habrimo wonnde omo winndii he doggol suɓotooɓe he nder Farayse, leydi ndi o meeɗaani werlaade kartal.
