Hooreejo leydi Senegaal, Makki Sal, toɗɗaaama hannde 10 Jolal 2023, to Paris wonde nelaaɗo keeriiɗo piɓondiral ngam leñaaɗi e ɗaŋre.
Piɓondiral Paris ngam leñaaɗi e ɗaŋre ko yuɓɓo ngam daraade e haɓaade baasal kadi ƴettude peeje ngam reende ɗaŋre nde. Piɓondiral ngal ene hollira ngoƴaaji keewɗi, kadi kuccam mum koko yowitii he ngoƴaaji renndoyankeeji kam e kiwal taariindi. Fayndaare maɓɓe ko addude yiyannde huuɓtodinnde nde riiwtaani hay gooto, rewrude he pewje gardinɗe ɓamtaare duumiinde.
Hooreejo leydi o, nana to Paris he ngaaɗoo saanga ngam hawritoyde he Jakka Paris ngam jam (Forum de Paris sur la paix) mo golle mum hikka ene fawii he tiitoonde “Rewindo ngam piɓondiral kesal finaas adunaaru mo Korse 2023”
