Pusegol lannda nootortonooɗo he innde PASTEF “Patriotes Africains du Sénégal pour le Travail, l’Ethique et la Fraternité” ko mbaawɗen firirde he Pulaar “Ngenndiyankooɓe Afriknaaɓe Senegaal ngam Gollal, Nuunɗal e Enɗam”. Siifi dekkere o ko jaagorɗo kalfinaaɗo geɗe nder leydi, Antoine Félix Diome. Ɗuum waɗi ko hanki Aaɓnde 31 Morso, 2023. Ngool kaayitol hollitii wonnde: “Lannda PASTEF rewrude he ardiiɓe mum e e njuɓɓudiiji mum ene heewi ko noddata terɗe e yiɗɓe mum huccude e dille gaddooje fitina (des mouvements insurrectionnels) kadi ɗuum rewam mum jibinii bonanndeeji ɓurtuɗi, ene jeyaa heen waaseede pittaali keewɗi, yimɓe heewɓe gaañaade heen, kadi e kellgol e caastagol ngaluuji renndo. Sakkitii heen tan ko dillere bonnde waɗnoonde he yontere adiinde he lewru Korse 2023, caggal kadi boneeji baɗnooɗi he nder lewru Mbooy 2021.”
Tuugnaade he ɗuum e baɗe goɗɗe keewɗe ɗe leeɓdaani he kuule ɗe lannda dawrugol foti tonngaade e mum en, lannda PASTEF firtaama he dow ngal ɗoo kuulal (dekkere) tonngoode 2023-1407- ñ 31Morso 2023. Fawaade he ɗuum laamu nguu habrii wonnde ma kala ngaluuji lannda pusaaɗo o pirlite he dow tuugnaade he kuule laawɗinaaɗe jogaaɗe he oo ɗoo tuma.
