Kawtal Islaamiyeewal Senegaal (Le Rassemblement islamique du Sénégal-RIS) ina mettini no feewi he haala Seneral (gonɗo he alateret) Meysa Selle Njaay caggal nde oon haali ko feewti e ownugol. E nder bayyinaango, RIS Alwahda hollitii « mettere mum mawnde » ɓe noddi nebistooɗo ngenni o nde noddata he laawol, oon gonnooɗo balloowo hooreejo leydi Macky Sall, mo ɓe tuumi feccude renndo juulɓe.
Haala ka seneraal Meysa Selle Njaay, gonnooɗo balloowo hooreejo leydi ɓooyɗo o, hono Macky Sall, haali ɗum, jibinii mettere e nder fedde lislaam Senegaal (RIS Al Wahda). “E tuugnaade e koo inniri ‘Islaam jiggaaɗo’ gonɗo he yerɓinde Lislaam Suufiyankeejo gaadoraaɗo he nder Senegal. Bees o, eno ɓe mbiyri, ene jogitii jiyanɗe kulɓiniiɗe kadi ustooje Lislaam Senegaal, pawooje ndiyam mbonɗam he dow huunde e renndo Senegaalnaaɓe, he tuma nde noddude he deeƴre fotnoo ardaade » , RIS takkimo he tuma nde waɗi haalannde nde tiitoonde mum wonno : « Seneral Meysa Selle Njaay, daande noddoore ceeral ɗo fotnoo noddeede he dental. »
Hayso tawi ɓe kollitii wonnde eɓe ndenndi he makko he kulihuli « yiyde leydi ndii ene naayorii bannge seɓɓitaare ne» RIS Alwahda ene holla mettere mum teeŋtunde he biskitgol ngol alaa ɗo fawii, pelle juulɓe laawɗuɗe, juɓɓuɗe, dariiɓe he jannginde, waajaade kam e ballal renndo. »
Ɓe kollitii wonnde Bees o, sikkitinaaki daarade he hakkunde peñcu wiyi wonnde, woon he ɗeen pelle « wallitta ɗum en ko pelle waɗboniyankeeje ɗe juuɗe mum en ene moddi he njeeygu dorog (ɗaaynooje) kam e biiftotooɓe yimɓe -nanngooɓe otaas, ko aldaa e hay daliilu gooto laaɓɗo”.
Ko ɗum waɗi fedde ndee ina jogitii wonnde ɗii haalaaji ko doondiiɗi bonannde mawnde, kadi fotaani woppireede ni tan. Caggal hollirde mettere maɓɓe e ɓe eeroo neɓistooɗo ngenndi o nde heɓɓitoo haala ka mbele leelewal dañe heen. Sabu he biyɗe RIS, ko ɗum bonam-innde maagu wonande pelle keewɗe Lislaamyankeeje ɗe yimɓe fof maa mbaɗtu ndaardude ɗum en yiytere bonnde.
He biyɗe Seek Mukhtaar Kebe e yahdiiɓe mum, “so tawii Seneral Meysa Selle Njaay ene joogii dalilaaji ko ene waawi seedaade wonnde kaalisaaji ummoriiɗi he pelle waɗboniyankooɓe ene mballita pelle juulɓe ɗee, o foti ko addude ɗum to yeeso ñaawooɓe, so ɗuum alaa noon, firtata tan ko ɗum peeje tuumgol meeranteewol, tawi ɗuum ko huunde bonnde wonannde deeƴre leydi.”
E joofnirde, fedde ndee ina teeŋtina « darnde mum tiiɗnde ngam reende Lislaam he kala e mbaydiiji mum laawɗundi, reende ndimaagu diine, e ƴellitde Senegaal ɗo ngootaagu mahii e nuunɗal, kaaldigal e kurmondiral ».
